Almatylyq shákirtterdiń búgingi kúnge deıin respýblıkalyq ǵylymı jarystarda 15 ret jeńimpaz atanyp, matematıka, fızıka, hımııa jáne bıologııa pánderinen 11-shi synyp oqýshylary arasynda ótken Prezıdenttiń olımpıadasynda 4-shi ret jeńis tuǵyryna kóterilgenin atap ótken jón. Halyqaralyq ıntellektýaldy olımpıadalar men ǵylymı jarystar kezinde olar sheteldik qurdastaryna naǵyz syndarly básekeles bola bildi. Onyń aıqyn aıǵaǵy – tek qana 2017 jyldyń ózinde úzdik oqýshylar Almatyǵa 59 altyn, 75 kúmis, 90 qola medal alyp kelgen eken.
Almaty qalalyq ákimdiginiń málimetine súıensek, sońǵy 5 jyl ishinde Almaty boıynsha bilim salasyn qarjylandyrý 15 mlrd. teńgege ósip, jalpy somasy 62,7 mlrd. teńgeni qurapty. Fızıka, hımııa, bıologııa kabınetteri men lıngafondy-mýltımedııli keshenderdi qospaǵanda, barlyq bilim ordalary 100 paıyz keńjolaqty ǵalamtorǵa qosylǵan.
О́tken 2016 jyly mektep bitirgen 6810 almatylyq túlektiń 254-i «Altyn belgi» alǵan edi.
Talǵat Súıinbaı,
«Egemen Qazaqstan»
Almaty
